Алматы қаласын дамыту орталығы қала мәселелерінің келісілген шешімдерін табу үшін барлық мүдделі тараптардың ресурстық, адами, қаржылық, әкімшілік және басқа әлеуетін біріктіруді көздейтін «Платформаны» әзірлеуді жалғастыруда.
Жобаның бірінші отырысы қозғалу мүмкіндігі шектеулі азаматтар үшін көппәтерлі тұрғын үйлердің қолжетімділігі мәселелеріне арналды, оның нәтижелері бойынша мәселенің оңтайлы шешімін табу жұмыстары жүргізілуде.
14 маусымда өткен Платформаның кезекті отырысы «Фудшеринг» тақырыбына арналды. Фудшеринг – бұл компаниялардың, әдетте қоғамдық тамақтандыру орындары мен FMCG–ритейлерлердің сатылмаған, бірақ тұтынуға жарамды өнімдерді барлығымен бөлісетін жүйе. Фудшеринг бастамалары бірнеше әлеуметтік маңызды функцияларды орындайды: қоқыс алаңдарында болатын бұзылмаған азық-түлікке екінші өмір беру, қоқыс алаңдарынан метан шығарындыларын азайту және азық-түлікке мұқтаж адамдарға көмектесу.
Талқылауға қоғам, үкіметтік емес ұйымдар, қайырымдылық ұйымдары, бизнес және әкімдік өкілдері, соның ішінде Қазақсғтан Республикасы Ұлттық Қызыл Жарты Ай Қоғамының «Қазақстанның FOODBANK» жобасы, «Расима Foodbank Kazakhstan» жеке қоры, «Алматы әйелдер клубы» қоғамдық бірлестігі, «Алматы қайырымды адамдар клубы» волонтерлік қозғалысы, «Ана рухы» қоғамдық қоры, «Қазақстанның дағдарыс орталықтары одағы» ЗТҚ, «ҚР Рестораторлар клубы» қауымдастығы, Galmart сауда желісі және т.б.
Бұрын қалада жеке адамдар фудшерингтік бастамаларды жасауға тырысты, бірақ кешенді тәсілдің жоқтығы мен ресурстардың болмауына байланысты олардың барлығы ерте ме, кеш пе жабылды. Дегенмен, фудшерингті дамыту мәселесі өзекті болып қала береді, өйткені азық-түлік көмегіне азаматтардың көп бөлігінің сұранысы бар. Бір ғана Алматыда 100 мыңнан астам азаматтың табысы ең төменгі күнкөріс деңгейінен төмен болса, 20 мыңнан астамы атаулы әлеуметтік көмек алушылар, ал бұл тек ресми статистикаға кіргендер ғана. Бұл ретте азық-түлік қалдықтары коммуналдық-тұрмыстық қалдықтардың жалпы көлемінің 50%-ын құрайды, өйткені санитарлық нормаларға сәйкес азық-түлік қалдықтарының көпшілігі жойылуы керек, ал ұзақ сақталатын өнімдер жеткізушілерге қайтарылады және кейіннен кәдеге жаратылады.
Бүгінгі күні бұл мәселені шешу бірқатар себептерге байланысты қиын, соның ішінде қайырымдылық қызметке салықтық преференциялардың жоқтығы, азық-түлік өнімдерін таратумен айналысатын ҮЕҰ-дар үшін ресурстық базаның жоқтығы: қоймалар, қызметкерлерді қаржыландыру және қоймаларды ұстау және басқа да шығындар.
«Қалада тұрақты ортаны құру БҰҰ-ның тұрақты даму мақсаттарының бірі болып табылады. Өз кезегінде, Алматы қаласын дамыту орталығы қызметінің стратегиялық бағыттарының бірі «Жасыл Алматы» болып табылады, ол басқалармен қатар тамақ қалдықтарын кәдеге жаратуды қамтиды. Осы мәселелерді шешу үшін әр түрлі әлеуметтік инновацияларды енгізу үшін өткен жылдан бері АДО негізінде белсенді дамып келе жатқан «Платформа» жобасын пайдалану туралы шешім қабылданды. Қаламызда қазірдің өзінде мұқтаж жандарға азық-түлік беру мәселесімен, яғни «фудшерингпен» айналысатын көптеген қатысушылар бар. Алматы қаласын дамыту орталығы олардың барлығын біріктіретін алаңға айнала алады деп сенеміз», - деді «Алматы қаласын дамыту орталығы» АҚ Басқарма төрағасы Андрей Шовкопляс.
Отырыс қорытындысы бойынша АДО барлық ұсыныстарды жинақтап, кейіннен қала әкімдігінің қарауына жолданады.
