Одан бөлек, биыл 2 скверді жаңарту жұмыстары аяқталады.
Бұл туралы Алматы әкімі Ерболат Досаев Медеу ауданы халқымен кездесуінде мәлімдеді.
«Жаяу жүретін белгілі жолдарға ерекше назар аударылған. Бүгін «Көк Төбе» саябағында қала тұрғындары мен қонақтары жолдың бойымен жүруге мәжбүр. Бұл жолдағы барлық адамдарға қолайсыз және қауіпті. Тұрғындардың өтініштерін ескере отырып, келесі жылдың III-тоқсанында жаяу жүретін адамдарға денсаулық жолы салынады«, - деді мегаполис басшысы.
Оның айтуынша, биыл 2 скверді жаңарту жұмыстары аяқталады. Оның ішінде Оқушылар сарайы мен Қазақстан Республикасы Мемлекеттік музейінің жанындағы скверлер бар. Фонтандар жаңартылып, жарық пен шағын сәулеттік нысандар орнатылды.
Сондай-ақ келесі жылы Мемлекеттік музейдің оңтүстігінде «Журналистер» алаңын, ондағы суару жүйесін жаңарту жұмыстарын бастау жоспарланған.
«Маусымда өткен кездесу барысында Алатау шағынауданында скейт-парк жасау мәселесі көтерілді. Жұмыстар Ибрагимов көшесіндегі сквердің құрылысы кезінде, яғни 2023 жылдың II-тоқсанында жүргізіледі«, - деді Ерболат Досаев.
Дереккөз: Almaty.tv.
