Алматыда 9-11 сынып оқушылары мен колледж студенттері арасында ай сайынғы кәсіптік бағдар өтуде. Жыл басынан бері әлеуметтік кәсіптік бағдарлаудан 15 мыңға жуық оқушы өтті.
Кеңес беру, тестілеу және нәтижелерді талқылау жастарға болашақ мамандықты саналы түрде таңдауға және болашақта жұмысқа ойдағыдай орналасуға көмектеседі.
Кәсіби бағдар оқушының қызығушылығы мен қабілетін зерттеуге, оны мамандық әлемімен және оларды таңдау ережелерімен таныстыруға, сондай-ақ кәсіби болашақта мотивацияны қалыптастыруға бағытталған. Сондай-ақ, бұл еңбек нарығының дағдылары мен қажеттіліктерін ескере отырып, қызмет саласын өзгертуге немесе біліктілікті арттыруға мүмкіндік береді.
«Қазір оқушылардың, студенттердің және жұмыссыздардың басым көпшілігі кәсіптік бағдарлауды қажет етеді. Көбінесе жастар мамандық таңдауда қиындықтарға тап болады. Сондықтан осы қызметті көрсету формалары әртүрлі. Ай сайын жұмыспен қамту орталығының мамандары оқу орындарына барады, кәсіби өзін-өзі анықтау үшін тестілеу, дәрістер, шеберлік сыныптары, тренингтер және басқа да сабақтар өткізеді. Бірінші кезекте кәсіптік бағдар беру оқушылар үшін маңызды, өйткені олар жақын арада мамандықты анықтауы керек«, — деді Алматы қаласы жұмыспен қамту және әлеуметтік бағдарламалар басқармасының басшысы Назира Тоғызбаева.
Еске салсақ, болашақ мамандықты дұрыс таңдай алмау салдарынан колледжде немесе университетте оқу кезінде студенттің таңдаған мамандығына көңілі толмайды. Қоғамдағы жаңа үрдістер ел экономикасын дамыту үшін балалар мен жастарды кәсіптік бағдарлаудың маңызды екенін көрсетуде.
Айта кетерлігі, кәсіптік бағдар берумен қызмет көрсетілген сәттен бастап қалада 62 мыңға жуық оқушы мен студент қамтылған. Жаңа кәсіптер туралы қосымша ақпаратты Жаңа кәсіптер мен құзыреттер атласы сайтынан алуға болады (enbek.kz).
Кәсіптік бағдарлау бойынша жұмыс Алматы қаласының білім басқармасымен бірлесіп жүргізіледі.
Дереккөз: Almaty.tv
