«Алматы қаласын дамыту орталығы» акционерлік қоғамында Басқарма төрағасы Андрей Шовкоплястың жетекшілігімен Қазақстан Республикасы Президенті жанындағы Мемлекеттік басқару академиясының Алматы филиалы тыңдаушыларына арналған оқыту семинары өткізілді.
Семинар барысында Андрей Шовкопляс Орталықтың қызметі мен негізгі бағыттары, сондай-ақ қала үшін стратегиялық маңызы бар жобаларды іске асыру жоспарлары туралы баяндады. Сонымен бірге қатысушылардың сұрақтарына жауап беріп, кәсіби тәжірибесімен бөлісті.
Басқарушы директор Руслан Бармашев заманауи IT-шешімдер мен қалалық инфрақұрылымды дамытуға, сондай-ақ халықтың өмір сүру сапасын арттыруға бағытталған цифрлық жобаларды таныстырды.
Алматы қаласы әкімдігінің Open Almaty қоғамдық қабылдау бөлімінің басшысы Ербол Медеуов Open Almaty жобаларын ұсынып, енгізіліп жатқан жаңашылдықтар мен тұрғындармен өзара іс-қимылдың тиімді тетіктері туралы айтты.
Қорытынды сөзінде спикерлер мемлекеттік органдардың ашықтығы мен инновацияларды енгізудің маңыздылығын атап өтіп, мемлекеттік қызметтің тиімділігін арттыру қажеттілігін ерекше атап көрсетті. Сондай-ақ қатысушыларды алған білімдерін Алматы тұрғындарының игілігі үшін пайдалануға шақырды.
