Алматы даму орталығы қоғамдық экологиялық ұйымдардың өкілдерімен кездесу өткізді.
24 желтоқсанда Алматы даму орталығында қоғамдық экологиялық ұйымдардың өкілдерімен жұмыс кездесуі өтті. Кездесу барысында экологиялық бастамаларды дамыту және азаматтық сектормен өзара іс-қимыл мәселелері талқыланды.
Кездесу аясында қоғамдық ұйымдар экологиялық іс-шараларды өткізуге және экологиялық мәдениетті қалыптастыруға, қала тұрғындарын тұрақты тәжірибелерге тартуға бағытталған жобаларды іске асыруға байланысты бірқатар практикалық мәселелерді көтерді.
Талқылау қорытындысы бойынша қоғамдық ұйымдардың өкілдері Recycle Бірге экологиялық іс-шарасын өткізуге арналған алаңды анықтауға жәрдем көрсету туралы Алматы даму орталығына өтініш білдірді. Алматы даму орталығы бұл мәселені жедел түрде пысықтауға кірісіп, өз құзыреті шеңберінде іс-шара өткізілетін орынды анықтауға ұйымдастырушылық қолдау көрсетті.
Бірлескен жұмыстың нәтижесінде Recycle Бірге іс-шарасы 25 қаңтарда Балуан Шолақ атындағы спорттық-мәдени кешеннің алаңында өтті.
Кездесуге қатысушылар диалогтың сындарлы сипатын және қалалық құрылымдар мен қоғамдық бірлестіктер арасындағы уақтылы өзара іс-қимылдың маңыздылығын атап өтті. Алматы даму орталығы мұндай өтініштерді қалалық ортаның сапасын жақсартуға бағытталған қоғамдық бастамаларды қолдау жөніндегі жүйелі жұмыстың бір бөлігі ретінде қарастырады.
Алматы даму орталығы сондай-ақ өз құзыреті мен қолданыстағы бағдарламалар аясында қоғамдық ұйымдармен бірлесіп жүзеге асырылатын экологиялық іс-шаралар мен бастамаларға алдағы уақытта да белсенді қатысуға дайын екенін білдіреді.
Кездесу жұмыс сипатында өтті және экологиялық бастамалар мен қаланың тұрақты дамуы саласындағы одан әрі өзара іс-қимылға негіз қалады.
