Бүгін Алматы қаласы әкімінің орынбасары Ержан Бабақұмаров онлайн форматта спорт мекемелерінің, соның ішінде балалар мен жасөспірім мектептерінің, кәсіби спорт клубтары басшыларының қатысуымен Спорт басқармасының қалалық алқалы жиынын өткізді. Дене шынықтыру мен спорт саласындағы 9 айдағы даму көрсеткіштері пысықталды. Атап айтқанда, спорт ғимараттары құрылысының барысы, жан басына қаржыландыруды енгізу, азаматтарды бұқаралық спортқа баулу.
Ержан Бабақұмаров спорт басқармасының басшылығы мен алқа мүшелерінің назарын Мемлекет Басшысы Қасым-Жомарт Тоқаев белгілеген өскелең ұрпақтың спорттық әлеуетін арттыру жөніндегі міндеттерге және ҚР Тұңғыш Президенті-Елбасы Нұрсұлтан Назарбаевтың тапсырмаларын орындау аясында іске асырылып жатқан жаңа дене шынықтыру-сауықтыру кешендерін (ДСК) уақтылы пайдалануға берудің маңыздылығына аударды.
Алматы қаласының әкімдігі спорт ғимараттарының құрылысы бойынша кешенді жұмыстар жүргізуде, ал «Жаңа Алматы» бағдарламасына сәйкес қала шетінде жаңа жобалар жүзеге асырылуда. Бүгінде мегаполисте әр түрлі меншік нысанындағы 3400 нысан бар. 2021 жылы Зерделі, Айнабұлақ-2, Құлагер, Алатау, Кемел, Жас Қанат және басқаларында 6 дене шынықтыру-сауықтыру орталығы мен 1 теннис орталығының құрылысы жүргізілуде. Бокс, хореография, басқа да спорт және су спорты бар. Жыл соңына дейін үш нысанды пайдалануға беру жоспарлануда. Жаңа спорт нысандарының жалпы тәуліктік сыйымдылығы 5 мың адамды құрайды. Бұған қоса, бюджеттен тыс қаражат есебінен спорт кешендері, велотрек, үстел теннисі орталығы және басқалары бар 5 нысан салынуда.
Білім беру ұйымдарының спорттық инфрақұрылымын жақсарту бойынша жұмыс жалғасуда. Жалпы биыл 61 мектепте 73 футбол, 63 волейбол мен баскетбол алаңдары, сондай-ақ жаттығу аймақтары мен жүгіру жолдары бар спорт ғимараттарын жаңарту жоспарлануда. Мемлекеттік-жекеменшік әріптестік аясында 8 спорт алаңын қалпына келтіру жұмыстары жүргізілуде: қазірдің өзінде 4 стадионда жұмыс аяқталды, қалған мектептердің құрылыс-монтаждау жұмыстарын аяқтау ағымдағы жылдың желтоқсанына жоспарланған.
Балаларды тегін спорт секцияларымен қамтуды кеңейту мақсатында жан басына қаржыландыру тетігі белсенді қолданылуда. Алматыда 4 жастан 18 жасқа дейінгі балаларға арналған тегін секцияларға арналған мемлекеттік спорттық тапсырыс спорттың 71 түрінен жүзеге асады. Бүгінгі таңда 22 мың үміткерге жолдамалар берілді. 17 мың 749 бала 25 спорт түрінен сабақ бастады. Ең танымал секциялардың арасында футбол, таэквондо, каратэ, жүзу, дзюдо бар. Бұл ретте «Алматы қаласының жаттықтырушылар ассоциациясы» ЖШС атап өткендей, балалар мен олардың ата-аналары тегін секциялардың сапасы туралы оң пікірде.
Қалада спорт мекемелерімен қатар 100 демалыс орталығы бар. Соның 36 спорт секциясы мен үйірмелері 8 мыңнан астам адамға ақысыз қызмет көрсетеді. 2023 жылға қарай орталықтар санын 200-ге дейін, ал биыл қосымша 50 орталыққа жеткізу жоспарлануда.
Бұл ретте жоғары жетістіктерге ие спортты дамыту бағытында Алматы қаласы мен Қазақстан Республикасының құрама командалары үшін 78 спорт түрінен спорт резерві дайындалуда. 1 қыркүйектен бастап Спорт колледжі 50 орынға арналған Спорт кеңсесінде өз есігін ашты. Бүгінде Алматының құрама командалары күрделі республикалық жарыстардың, Қазақстан халықтарының спартакиадасының, жазғы және қысқы жасөспірімдер ойындарының чемпиондары. Республика құрама командасының тізімінде 906 спортшы бар.
Алқа барысында Алматы қаласы Спорттық нысандар дирекциясының директоры Н. Нуровтың, «Алматы жаттықтырушылар қауымдастығы» ЖШС өкілі Б. Ахметаевтың, «Qazaq Sport Company» ЖШС директорының орынбасары А. Багашевтің, «Жазғы спорт түрлері бойынша олимпиадалық резервтерді дайындау орталығы» КМҚМ басшысы С. Сырлыбаева.
Алқалы жиыннын қорытындысы бойынша Алматы қаласы әкімінің орынбасары Ержан Бабақұмаров мегаполис әкімі Бақытжан Сағынтаев спорттық инфрақұрылымды жаңарту бойынша ауқымды шаралар қабылдап жатқанын атап өтті. Спорт басқармасы тиісті ұйымдармен бірлесе отырып, білікті жаттықтырушылармен қамтамасыз ету, жаттықтырушылар базасын қалыптастыру және балаларға арналған спорт секцияларын жан басына шаққандағы қаржыландыру ақысын уақтылы қамтамасыз ету бойынша жұмысты күшейтуі қажет. Мектеп оқушыларын, студенттер мен жастарды спортқа баулу бойынша жұмысты күшейту тапсырылды. Дене шынықтыру-сауықтыру орталықтарын уақытында іске қосу бойынша жұмыстардың мониторингі ерекше бақылауда болуы тиіс. Себебі бұл нысандардың құрылысы бұқаралық спортпен шұғылданатындардың санын едәуір арттырады әрі спорттық инфрақұрылымға қолжетімділікті қамтамасыз етеді. Бұл ретте қалада спортшыларды медициналық-биологиялық қамтамасыз ету үшін емдік-дене диспансерін ашу және қаланың сегіз ауданында балалар мен жасөспірімдер арналған жаңа дене шынықтыру клубтарын ашу мәселелерін пысықтау тапсырылды.
Ақпарат көзі: Алматы қаласы әкімдігінің қоғаммен байланыс қызметі
