Алматыдағы №22 емхана бас дәрігерінің орынбасары Ақерке Жомарт Өңірлік коммуникациялар қызметіне «дельта»-вирустың осы санаттағы азаматтар үшін аса қауіпті нұсқасы екенін, сондықтан оларға бірінші кезекте екпе жасау керектігін айтты.
Алматыда Pfizer (Comirnaty) вакцинасымен егу науқаны жалғасуда. Бүгінде 7300-ден астам жасөспірім, 700-ге жуық жүкті әйел және 2 400 бала емізетін ана коронавирусқа қарсы екпе алды.
А. Жомарттың айтуынша, жасөспірімдер өз туыстарын, мұғалімдерін жұқтыруы мүмкін, коронавирус өлімге әкелуі мүмкін.
«Вакцинациядан болатын асқыну қаупі олар қорғайтын аурулардан кейінгі асқыну қаупінен әлдеқайда аз. Сондықтан балаларын вакцинациялаудан бас тартқан ата-аналар оларды қорғаудан айырады, басқа білім алушыларға қауіп төндіреді, бұл инфекцияның одан әрі таралуына ықпал етеді», – дейді дәрігер.
А. Жомарт Pfizer жариялаған зерттеулер вакцинаның екі дозасы 91% тиімді және қауіпсіз екенін көрсетеді. Егер олар коронавируспен ауырса да, балаларға антиденелерді тексерудің қажеті жоқ. Аурудың нәтижесінде алынған иммунитет вакцинациядан кейін алынған иммунитетке қарағанда қысқа болады деп саналады.
Дәрігердің айтуынша, бүгінгі күні балалар, жүкті және бала емізетін әйелдер арасында вакциналардың нашар төзімділігі туралы ешқандай пікір жоқ. Оның мәліметінше, олардың емханасында 12 қарашадан бастап 139 жасөспірім, лактация кезінде 22 әйел және 25 жүкті әйел екпе алды.
А. Жомарт жүкті әйелдерді дәрігерлердің ұсыныстарына құлақ асып, жүктіліктің 16-37 аптасы аралығында егу пунктіне келуге шақырды. Вакцинаны алу әйелді де, оның болашақ баласын да қорғау үшін қажет.
Дәрігер емізулі ананы вакциналау бала үшін қауіпті емес деп сендірді. COVID-19-ға қарсы вакциналанған аналардың емшек сүтінде баланы инфекциядан қорғауға көмектесетін антиденелер бар.
Дереккөз: Almaty.tv.
