Алматы қаласының креативті индустрияларды дамыту кеңесінде ізденушілер мен жұмыс берушілерге арналған «919» қосымшасының тұсаукесері өтті.
Фотографтар, музыканттар, модельдер, вокалистер, видеографтар мен шығармашылық мамандықтардың басқа да өкілдері енді өз жұмыстарын осы қосымшаға жүктей алады. Ал жұмыс берушілер бос жұмыс орындарын орналастырып, онлайн сұхбаттар мен кастингілерді өткізеді.
Кеңес құрамына енген қосымшаны жасаушылардың айтуынша, платформа тапсырыстар мен орындаушыларды іздестірудің тиімді тетігі болады.
Платформа қолданушыларының географиясы кеңейеді. iOS және Android базасындағы қосымша креативті индустрия саласын дамытудағы маңызды шарттың бірі - шығармашыл мамандардың еңбегін монетизациялауға мүмкіндік береді.
Ақпарат көзі: Алматы қаласы әкімдігінің қоғаммен байланыс қызметі
