/uploads/static_content_images/65000c1f31adc.jpg
Алматыда «Халық қатысатын бюджет» жобасының аралық қорытындысы шығарылды, оның мақсаты аудандардың аумақтарын дамыту және абаттандыру болып табылады. Ағымдағы жылдың 1 қыркүйегінен бастап қала тұрғындары budget.open-almaty.kz. интернет-порталыға 682 ұсыныс берді өтінімдерді қабылдау 20 қыркүйекке дейін ашық болады.
Бастамалардың ең көп саны Жетісу ауданының тұрғындарынан (218), одан кейін Наурызбай (148), Алатау (124), Алмалы (45) және Түрксіб (44) аудандарынан келді.
Тұрғындардың ұсыныстары негізінен балалар мен спорт алаңдарын салуға немесе жөндеуге; қоғамдық орындарда самалжайлар, орындықтар, урналар орнатуға; аумақты көгалдандыруға, сондай-ақ жаяужолдар, арықтар мен пандустар салуға және жөндеуге қатысты.
Ұсыныстарды тұрғындар budget.open-almaty.kz. интернет-порталы арқылы дербес ұсынады ол үшін өтінімді тіркеу және толтыру қажет, онда жобалық ұсыныстың атауы мен құнын, оның сипаттамасын, объектінің мекен-жайын көрсету, жобалық ұсыныстың нобайы мен сметасын тіркеу қажет (олар болжамды болуы мүмкін).
Жобалық ұсыныстар келесі санаттар мен критерийлерге сәйкес келуі керек:
1) Көгалдандыру;
2) тротуарларды жайластыру;
3) тротуарларды, пандустарды, арықтарды салу және жөндеу;
4)ортақ пайдаланылатын орындарды (саябақтарды, скверлерді, жаяу жүргіншілер аймақтарын, көшелерді және өзге де объектілерді) құру, жөндеу және жарықтандыру;
5) шекараларды, төсеніштерді, тіреу қабырғаларын жөндеу;
6) полигондарды жою;
7) балалар ойындары мен ересек тұрғындардың демалысына арналған беседкаларды, орындықтарды, урналарды, жабдықтар мен конструкцияларды жалпы пайдаланылатын орындарда орнату және жөндеу;
8) аула аумақтарында және жалпы пайдаланылатын жерлерде спорт алаңдарын (тренажер алаңдарын, футбол, баскетбол, волейбол алаңдарын), балалар ойын алаңдарын орнату, жөндеу және жарықтандыру;
9) санитарияны қамтамасыз ету.
Бір жобалық ұсынысты іске асырудың шекті құны 86,2 млн теңгеден (25 мың АЕК) аспауға тиіс. Бір автор бір жобаға өтініш бере алады. Сонымен қатар, бұл жалпы пайдалану объектісі болуы керек және оны жүзеге асыру тиісті аумақтардың тұрғындары үшін маңызды болуы керек және жеке коммерциялық сипатта болмауы керек.
Өтінімдерді қабылдау мерзімі аяқталғаннан кейін қала тұрғындарының барлық жобалық ұсыныстарын әрбір аудан әкімдігі жанынан құрылған сараптамалық комиссиялар қарайтын болады. Сараптамалық комиссиялардың құрамымен 2023 жылғы «Жобалар бойынша материалдар» бөлімінде танысуға болады.
Сараптамалық комиссиялардың бағалау нәтижелері бойынша «Халық қатысатын бюджет» өлшемшарттарына, санаттары мен шарттарына сәйкес жобалар дауыс беру кезеңіне дейін жіберілетін болады. Қала үшін ең басым жобалар үшін Онлайн-дауыс беру ағымдағы жылдың 13 қазаннан 23 қазанына дейін өтеді.
«Халық қатысатын бюджет» бойынша консультацияны аудандық әкімдіктерден немесе Open Almaty әкімдігінің Қоғамдық қабылдау бөлмесінен мына телефондар арқылы алуға болады: 224 39 29 (ішкі. 203, 127), 1308.
