Алматы қаласының әкімдігі апта сайын қалалық стационарлардың, емханалар мен дәріханалардың дәрілік заттармен (ДЗ), медициналық мақсаттағы бұйымдармен (ММБ) және жеке қорғану құралдарымен (ЖҚҚ) қамтамасыз етілуіне мониторинг жүргізеді, деп хабарлады Алматы қаласы Өңірлік коммуникациялар қызметінде өткен брифингте Алматы қаласы әкімінің орынбасары Мақсат Қиқымов.
Бүгінгі таңда стационарларда 2 209 мың дәрі-дәрмек бар. Бұдан басқа, 736 мың ДЗ көлемінде жеткізу күтілуде. Қала емханаларында 299 мың ДЗ бар, қосымша 199 мың ДЗ түсу күтілуде.
Бүгінгі таңда коронавирустық инфекцияны емдеуде сұранысқа ие дәрі-дәрмектер барлық дәріханаларда бар. Қамтамасыз ету 85-90%-ды құрайды, дәріханалардың қалдықтарында 1,3 млн.сұранысқа ие препараттар бар.
Тұрақтандыру қорының қаражаты есебінен 2020 жылғы шілде мен 2021 жылғы қыркүйек аралығында Алматыға жоспарланған 40 млн. ДЗ мен ММБ-дан 58,8 млн. әкелінді, 43,6 млн. іске асырылды. Бұл ретте 8 млн мөлшерінде төмендетілмейтін қалдық сақталды. Айта кету керек, қаланың медициналық ұйымдары, дәрі-дәрмектер мен медициналық мақсаттағы бұйымдардың ірі көтерме жеткізушілері, сондай-ақ қаланың бөлшек сауда желілері 2020 жылғы тәжірибені ескере отырып, сұраныстың ықтимал өсуіне алдын-ала дайындалып, өз қоймаларында қорлар қалыптастырады.
ДЗ және ММБ тұрақтандыру қоры жұмысының оң тәжірибесін, тұрғындарды вакцинациялау деңгейін және қаланың фармацевтикалық компанияларында ДЗ және ММБ қорларының болуын ескере отырып, Алматы әкімдігі айналым схемасы бойынша 3,75 млн бірлік мөлшерінде төмендетілмейтін қорды сақтай отырып, кемінде 9.2 млн бірлік ДЗ және ММБ жеткізу үшін 2,77 млрд теңге бөлді. Осылайша, қалада екі айлық беріктік қоры сақталады, бұл ҚР ДСМ талаптарына сәйкес келеді.
Ақпарат көзі: Алматы қаласы әкімдігінің қоғаммен байланыс қызметі
