Алматыда Жасыл экономика басқармасының 2020 жылғы жұмысы қорытындыланды. Алматы ӨКҚ алаңында өткен онлайн брифинг барысында басқарма басшысы Наталья Ливинская да үстіміздегі жылға арналған жоспарлар туралы айтып берді.
Басқармадан хабарлағандай, Алматыда алғаш рет қала әкімі Бақытжан Сағынтаевтың тапсырмасы бойынша арық жүйесіне түгендеу жүргізілді. Оның қорытындысы бойынша арықтардың жалпы ұзындығы 1525 км құрайды. Оның ішінде:
- аудан әкімдіктеріне қарасты 1138 км;
- аулалар аумағында — 245 км;
- саябақ аймақтарында — 60 км.
Нәтижесінде басқарма мәліметтері бойынша анықталғаны:
- Жөндеу немесе реконструкция жүргізу қажет — 424 км;
- Суаруға 206 км қолданылады;
- Тұйық немесе жалғанбаған — 1464 дана;
- Бұзылған учаскелер — 811 дана;
- Су нысандарына ағызу — 390 дана.
Зерттелген арықтардың әр метрі ГАЖ жүйесінде көрсетілген. Интерактивті картаның көмегімен Алматыдағы арықтардың жай-күйі, орналасуы бойынша өзекті деректерді көруге болады. Арықтың қай көшеде, жолдың қай жағында, бағыты және кімнің балансында екендігі, сондай-ақ оның ені, ұзындығы мен басқа да сипаттамалары көрсетілген.
«Сипатталған мәселелерге сүйене отырып, біз қандай мәселелерді шешеміз? Бірінші қадам – біз қала тарихында алғаш рет арық желісін түгендедік. Біз әр метрді санап, бәрін интерактивті картаға түсірдік. Екінші қадам ретінде біз арық желілерін ғана емес, жалпы су шаруашылығы жүйесін тиімді басқаруға жауап беретін қала бойынша барлық су шаруашылығы нысандарын басқарудың бірыңғай операторын құруды ұсынамыз», — деп атап өтті Н. Ливинская.
Түгендеу нәтижесі бойынша арық желісін қайта құру жобасы жасалды. Жалпы ұзындығы 376 км, оған проблемалық учаскелер кіреді. Жұмыстар зерттеу және әзірлеу сатысында, содан кейін жөндеу басталады. Бірінші кезеңде қаланың батыс бөлігінде (Алатау, Әуезов және Наурызбай аудандары) 120 км арық қайта жаңарту мен жөндеуге түседі. 2022 жылы кезең-кезеңмен жоспарлау үшін қаланың орталық және шығыс бөлігінде жұмысты бастау жоспарлануда.
Ақпарат көзі: Алматы қаласы әкімдігінің қоғаммен байланыс қызметі
