Жақын арада 5G желісі Алматының барлық аудандарында қолжетімді болады. Бұл туралы Алматы қаласы цифрландыру басқармасының басшысы Баян Қоңырбаев мәлімдеді.
Оның айтуынша, қазір ұялы байланыстың «бесінші буыны» қаланың жеті нүктесінде қол жетімді. Олар Smart Point, Медеу, Шымбұлақ, Көктөбе, «Кәусар» бизнес-орталығында және адамдар көп жиналатын басқа жерлерде орналасқан. Сондай-ақ бұл саланың дамуы халықтың қажеттілігіне байланысты екенін атап өтті.
«Сондай-ақ қажеттілік артып, ұялы байланыс операторлары тарапынан ұсыныстар артатын болады. 5G - бұл жаңа мүмкіндіктер және қала осы бағытта даму үшін барлық күш - жігерін салады», - деді қалалық цифрландыру басқармасының басшысы Баян Қоңырбаев.
Баян Қоңырбаев сонымен қатар жақын арада қалада «112» бірыңғай диспетчерлік қызметі іске қосылатынын айтты. Ол полиция call-орталықтарын, құтқару қызметтерін, өрт және авариялық газ қызметін біріктіреді. Басқарма басшысы жүйені оңтайландыру үшін уақыт қажет екенін атап өтті.
«Бірыңғай байланыс орталығы Әуезов көшесі, 82 мекенжайында орналасқан. Өткен жолы біз пандемияға байланысты құрылыс-монтаждау жұмыстары уақытында аяқталмайтынын айттық. Егер сіз осы нысанның жанынан өтсеңіз, оның соңғы сатысында тұрғанын көресіз. Егер бәрі жақсы болса, онда жұмыстар биыл аяқталады деп ойлаймын», - деп атап өтті қалалық цифрландыру басқармасының басшысы Баян Қоңырбаев.
Дереккөз: Almaty.tv
