15.09.2020
Бүгін, яғни 15 қыркүйекте Алматыда қала тұрғындарын тұмауға қарсы ауқымды вакциналау басталды. Вакциналау 1 желтоқсанда аяқталады. Қалалық қоғамдық денсаулық басқармасының мәліметінше, биыл тұмауға қарсы тегін вакцинамен қаланың 430 мың тұрғынын қамту жоспарланған.
Олардың арасында:
- 65 жастан асқан 264 652 адам;
- созылмалы аурулары бар 125 549 адам;
- 19 281 жиі ауыратын бала;
- 9310 медицина қызметкері;
- жүктіліктің 2-ші немесе 3-ші триместріндегі 7472 жүкті әйел;
- жетім және мен ата-анасының қамқорлығынсыз қалған балаларға арналған білім беру ұйымдарынан, сәбилер үйлерінен 2289 бала;
- 1447 медициналық-әлеуметтік мекемелердің (ұйымдардың) қызмет алушылары.
Қауіп тобындағы адамдар тегін вакцина екпесін алуы үшін мыналар қажет:
- тіркелген орны бойынша емхананың тіркеу бөлімімен алдын ала байланысып, терапевт қабылдауын тағайындау;
- катаральді құбылыстардың жоқтығын растау үшін терапевтінің тексеруінен өту.
Қосымша ақпарат алу үшін байланыс орталығына +7 (727) 300-05-05 нөмірі бойынша хабарласуға болады.
Тұмауға қарсы вакцина ЖРВИ ауруының өсуін азайту және тұмау вирусының коронавирус инфекциясымен қатар таралуын болдырмау үшін қажет. Бұл кейіннен пневмония түріндегі асқынуға әкелуі мүмкін.
Ақпарат көзі: Алматы қаласы әкімдігінің қоғаммен байланыс қызметі
