28 қараша Алматы қаласы ЖИТС-тің алдын алу және оған қарсы күрес орталығында (Басенов көшесі, 2, 4 корпус) Дүниежүзілік ЖИТС-пен күрес күніне арналған науқан аясында ЮНЭЙДС «Көшбасшылық – қоғамдастықтарға» ұранымен жылжымалы пунктке арналған жабдықталған көлікті тапсыру рәсімі өтті.
Жылжымалы пункт – бұл HYUNDAI H350 базасында Алматыдағы «Hyundai Com Trans Kazakhstan» ЖШС зауытында жасалған арнайы автокөлік. Ол халықтың негізгі топтарына, сондай-ақ АИТВ-мен ауыратын, оның ішінде түзеу мекемелеріндегі адамдарға қызмет көрсету және тестілеу жабдықтарымен жабдықталған. Жылжымалы пункттің көмегімен дәрігерлер ҮЕҰ қызметкерлерімен бірлесіп науқастарға дәрі-дәрмектерді жедел жеткізіп, емделуге мониторинг жүргізу үшін қажетті консультациялар, тексерулер жүргізе алады.
ХНТ өкілдері өздерінің жерлеріне жақынырақ орналасқан профилактикалық бағдарламаларға (буклеттер, қорғаныс құралдары және АИТВ-ға тестілеуден өту мүмкіндігі) қол жеткізе алады. Күн сайын жылжымалы бригадалар ХНТ өкілдерімен алдын ала келісілген маршрут бойынша шығады. Әрбір келушіге құпиялылық пен анонимділікке кепілдік беріледі.
Жылжымалы пункт ЖИТС-тың алдын алу және оған қарсы күрес орталығының мамандарына қоғамдық ұйымдармен бірлесіп ХНТ, АИТВ-мен ауыратын адамдарды және олардың серіктестерін профилактикалық бағдарламалармен және медициналық қызметтермен қамтуды ұлғайтуға мүмкіндік береді. Бұл халықтың негізгі топтары арасында жиі тіркелетін АИТВ-ның жаңа жағдайларын азайту үшін өте маңызды, - деп атап өтті Алматы қаласы ЖИТС орталығының бас дәрігері Марат Түкеев.
Жылжымалы пунктті сатып алуды «АИТВ эпидедемиясын бақылаудың Алматы моделі» жобасымен жүзеге асырды. Жобаның мақсаты Алматыда АИТВ эпидемиясын бақылау бойынша тұрақты, кешенді, экономикалық тиімді қалалық бағдарламаны құру және оны іске асыру болып табылады. Үш жыл ішінде жоба АИТВ-инфекциясының алдын алу, тестілеу мен емдеуде инновациялық тәсілдерді енгізуде. Жобаның қызметтерін ХНТ-ның 17 мыңнан астам өкілі алды, 11 мыңнан астамы АИТВ-ға тексерілді, оның ішінде 8 мыңнан астамы ҮЕҰ базасында сыналды. АИТВ-инфекциясының 142 жаңа жағдайы анықталды, оның 95%-ы емдеуді бастады.
Мемлекеттік және үкіметтік емес ұйымдардың тығыз өзара іс-қимылының арқасында жоба аяқталғаннан кейін ЖИТС орталығы мен ҮЕҰ мамандарының мобильді көпсалалы тобы АИТВ-мен ауыратын адамдарға және халықтың негізгі топтарына қызметтер кешенін көрсетуді жалғастырады, - деді Еуразия елдеріндегі ICAP өңірлік директоры Анна Дерябина.
«Көшбасшылық – қауымдастықтарға» ЮНЭЙДС ұранымен Дүниежүзілік ЖИТС-пен күрес күніне арналған науқан Қазақстанда 20 қарашадан 1 желтоқсанға дейін ҮЕҰ-ға және АИТВ-ны еңсерудегі қауымдастыққа назар аудару мақсатында өткізіледі. Қауымдастықтар қоғамдық денсаулық сақтау қызметіне қатысты адамдарды байланыстырады, сенімділікті арттырады, жаңашылдық жасайды.
Ақпарат көзі: Алматы қаласы әкімдігінің баспасөз қызметі
