26.09.2025
Құрметті тұрғындар! «Алматы қаласын даму орталығы» акционерлік қоғамы хабарлайды: «Халық қатысатын бюджет» жобасы аясында қазіргі уақытқа дейін 2 890 өтінім қабылданды.
Азаматтардың ұсыныстарын қабылдау жалғасуда, оның аяқталуына небәрі 4 күн қалды - 30 қыркүйекке дейін (қоса алғанда).
Әрбір қала тұрғыны абаттандыруға қатысты өз жобасын ұсына алады: балалар ойын алаңын орнату, аумақты көгалдандыру, тротуарларды жөндеу немесе көше жарығын орнату.
Өтінімдер budget.open-almaty.kz интернет-платформасында қабылданады.
Дауыс беру нәтижелері бойынша үздік жобалар 2026 жылы жүзеге асырылады.
Қосымша ақпаратты аудандық әкімдіктерден немесе мына телефон арқылы алуға болады: 224 39 29 (ішкі 203).
