Директорлар кеңесінің төрағасы

Байбек Бауыржан Қыдырғалиұлы

2009 жылдың тамызынан 2013 жылдың қаңтарына дейінгі аралықта Қазақстан Республикасы Президенті Әкімшілігі Басшысының орынбасары қызметін атқарды. 2013 жылдың қаңтарынан 2015 жылдың тамызына дейін «Нұр Отан» партиясы Төрағасының Бірінші орынбасары болды. 2015 жылдың 9 тамызынан бері Алматы қаласының әкімі. Қала әкімі лауазымында Алматы қаласы аумағында мемлекеттік саясаттың жүргізілуін, Қазақстан Республикасы орталық мемлекеттік органдарының барлық аумақтық бөлімшелерінің үйлесімді қызмет істеуін қамтамасыз етеді, тиісті бюджеттен қаржыландырылатын атқарушы органдарға басшылық жасайды, Қазақстан Республикасының заңнамасына сәйкес жергілікті мемлекеттік басқару өкілеттігі және өзін-өзі басқару функциялары берілген.

2015 жылдың 20 қазанында «Алматы қаласын дамыту орталығы» АҚ Директорлар кеңесінің төрағасы болып сайланды.

Директорлар кеңесінің мүшелері

Жүнісова Әсел Абылайқызы

2010 жылдан 2013 жылға дейінгі аралықта Қазақстан Республикасы Президенті Әкімшілігі Стратегиялық әзірлемелер және талдау орталығы меңгерушісінің орынбасары болды. 2013 жылдың 1 наурызынан бастап 2015 жылдың 14 қазанына дейін «Нұр Отан» партиясының Орталық аппаратында әртүрлі лауазымды қызмет атқарды (Орталық аппарат жетекшісінің орынбасары, Орталық аппарат жетекшісі, Орталық аппарат кеңесшісі). 2015 жылдың 16 қазанынан бері Алматы қаласы әкімінің орынбасары. Алматы қаласы әкімінің орынбасары қызметінде экономиканы дамыту, бюджеттік саясат, қаржы құралдары, қаланың коммуналдық меншігі, мемлекеттік сатып алу мәселелерін үйлестіреді, экономиканы дамыту, бюджеттік саясат және қаржы құралдары, қаржылық бақылау, салық және кедендік саясат, банк қызметі саласындағы орталық мемлекеттік органдардың аумақтық бөлімшелерімен және өзге де ұйымдармен келісілген түрде қызмет етуді және өзара іс-қимыл жасауды қамтамасыз етеді.

2015 жылдың 20 қазанында «Алматы қаласын дамыту орталығы» АҚ Директорлар кеңесінің мүшесі болып сайланды.

Ли Владислав Сединович (тәуелсіз директор)

1995 жылдың тамызынан 1997 жылдың шілдесіне дейін ҚазкредәлеуметбанктіңБасқарма Төрағасы болды. 1997 жылдың тамызынан 1998 жылдың маусымына дейін «Тұрғын үй құрылыс банкі» ЖАҚ Басқарма Төрағасының Бірінші орынбасары қызметін атқарды. «Тұрғын үй құрылыс банкі» ЖАҚ-мен біріккеннен кейін 1998 жылдың маусымынан бастап бүгінгі күнге дейін «Банк ЦентрКредит» АҚ Басқарма Төрағасы болып келеді.

2016 жылдың 4 шілдесінде «Алматы қаласын дамыту орталығы» АҚ Директорлар кеңесінің мүшесі болып сайланды.

 

Төлегенова Жанна Викторовна

1998 жылдың қыркүйегінен 2005 жылдың желтоқсанына дейін М.Х. Дулати атындағы Тараз мемлекетік университетінде әртүрлі қызмет атқарды (деканның ғылым жөніндегі орынбасары, оқытушы, ішкі аудитор ИСО). 2006 жылдың қаңтарынан 2009 жылдың мамырына дейін Білім және ғылым министрлігінің басқарма басшысы лауазымында болды. 2009 жылдың 15 маусымынан 2014 жылдың 31 қаңтарына дейін «Болашақ» қауымдастығы» ҚБ атқарушы директоры қызметін атқарды. 2014 жылдың 31 қаңтарынан 2015 жылдың 2 қарашасына дейін «Нұр Отан» партиясы Төрағасы Бірінші орынбасарының кеңесшісі болды. 2015 жылдың 9 қарашасында «Алматы қаласын дамыту орталығы» АҚ Басқарма Төрағасының кеңесшісі қызметіне тағайындалды. 2015 жылдың 17 қарашасынан бастап «Алматы қаласын дамыту орталығы» АҚ Басқарма төрайымының міндетін атқарды. 2016 жылдың 18 қаңтарында «Алматы қаласын дамыту орталығы» АҚ Басқарма төрайымы болып сайланды. «Алматы қаласын дамыту орталығы» АҚ қызметіне жалпы жетекшілік етеді.

2015 жылдың 18 қарашасында «Алматы қаласын дамыту орталығы» АҚ Директорлар кеңесінің мүшесі болып сайланды.

Нәбиев Әміржан Әміржанұлы

1996–1999 жылдар аралығында «Айхан» ЖШС өнеркәсіптік компаниясында коммерциялық директор қызметін атқарды. 1999 жылы еңбек жолын Ақтау қаласындағы Орта машина жасау жөндеу-механикалық зауытында («АМЗ» АҚ) маркетинг және басқару департаментінің директоры қызметінде жалғастырды. 2001 жылдан 2002 жылға дейін «Азия плюс С» ЖШС құрылыс компаниясын басқарды. 2002 жылдан бастап «Атрикс-Строй» ЖШС жобалау-құрылыс компаниясының бірінші басшысы және иесі. 2009 жылдан 2010 жылға дейін «Алматыжылукоммунэнерго» АҚ Директорлар кеңесінің төрағасы болды.

2017 жылдың 16 ақпанында «Алматы қаласын дамыту орталығы» АҚ Директорлар кеңесінің мүшесі болып сайланды.

Пайдалы сілтемелер